وجهت يارا تامر زوجة مطرب المهرجانات مسلم رسالة غامضة بعد منشور طليقته ميكا البغدادي، عبر حسابها الشخصي بموقع التواصل الاجتماعي “انستجرام”.
وقالت يارا تامر: يا جماعه ونبي اي واحده ملهاش لازمه ومحدش معبرها بتتكلم عني او عن جوزي دي ولا تسوا ولو أنا مش عامله اعتبار المسلم.
وأضافت: مش عايزه اعملها قيمه كنت طلعت فهمتكم هيا اي بس هيا عايزه تتشاف وخلاص من زمان فا مش هعملها الي هيا عايزه وهفضل معتبرها كلبه بتهوهو ودي اكثر حاجه قتلها يحرام.
مسلم يرد على منتقديه
وكان قد رد مطرب المهرجانات مسلم على مُنتقدي حفل زفافه الذي أُقيم مؤخرًا على يارا تامر، في إحدى الفنادق بالقاهرة الكبرى.
وقال مسلم في فيديو عبر حسابه الشخصي بموقع التواصل الاجتماعي “انستجرام”: لكل الناس اللي واخده مسلم محتواهم.
وأضاف: مش خلاص كفاية ولا ايه الدنيا أنا شخصيًا زهقت خليكم في حالكم بقى مش عايزين رأيك بالنسبالي ملوش لازمة بجد كفاية قرف كفاية تريند أنا طول عمري تريند مش محتاج أعمل أنا بشوف الحاجات دي بقرف.
وواصل: المشكلة إن أقل واحد فيهم والله حياته فيها بلاوي وحوارات الدنيا ويطلع يعمل نفسه جامد ويعدل على الآخرين كفاية بجد حوارات نفسي أعيش حياتي مستور وفي حالي أنتوا مالكم كان متجوز قبل كده ولا ده حظي في الدنيا وسيبنا بعض بكل احترام ولحد دلوقتي بسأل على ابني وأبويا معودني من صغري إن مفيش حاجة اسمها أمشي مع بنت.