تحدث المخرج كريم الشناوي عن النجاح في السوق الفني، مؤكدًا أنه لا يُقاس فقط بالأرقام أو نسب المشاهدة، بل بقيمة المحتوى وقدرته على الاستمرار والتأثير في الجمهور بمرور الزمن، على أن ما يبقى هو ما يلامس الوجدان ويصنع فرقًا حقيقيًا.
وقال كريم الشناوي خلال استضافته في برنامج “ضيفي”، المذاع عبر قناة “الشرق” مساء الجمعة مع الإعلامي معتز الدمرداش: “مسلسل لام شمسية مش الأعلى مشاهدة، اللي محقق أعلى مشاهدة كان مسلسل إش إش، لكن ده مش هدفي، أنا مش عايز أكون أعلى مشاهدة أنا عايز أقدم حاجة تعيش وتفضل موجودة”.
وأضاف الشناوي: “محمد سامي أستاذ في النوع اللي بيقدمه وده مش تقليل خالص، بس هو ميعرفض يعمل اللي بعمله، وأنا في المقابل ما أعرفش أعمل اللي هو بيقدمه، هو أشطر واحد في مجاله وأنا ليا خط تاني”.
وتابع مؤكدًا على أهمية التنوع الفني في السوق، قائلاً: “السوق لازم يكون فيه كل الأذواق وكل الأنواع، وماينفعش نحصر النجاح في لون واحد بس، لو في مسلسل تاني أعلى منه مشاهدة، ده طبيعي ومش مقلق، لان الجمهور كبير وبيحب التنوع وده لازم يفضل موجود”.
وشدد على أن القرارات الفنية التي يتخذها لا تستند إلى "التريند" أو سعي لحصد نسب مشاهدة ضخمة، بل تعتمد على القناعة الشخصية والالتزام بتقديم محتوى يُحدث فرقًا.
واختتم كريم الشناوي قائلاً: “أنا مش هدفي أكون الاعلى مشاهدة، أنا عايز أكون الأهم عايز اللي بقدمه يعيش أطول، مش لازم كلنا نشتغل على نفس الحاجة، السوق الناجح اللي فيه تنوع وبيحتوي على كل الألوان”.