وجهت الفنانة هيدي كرم رسالة خاصة للسيدات بسبب هوس عمليات التجميل والميكاج اللواتي يضعوهن على وجوههن بغرض الوصول لأكبر درجة من الكمال والجمال الخالي من العيوب بشكل غير طبيعي.
وقالت هيدي كرم من خلال مقطع فيديو لها عبر حسابها الشخصي بموقع تبادل الصور والفيدوهات "إنستجرام": "أنا مش ضد عمليات التجميل اللي بتحسن المظهر من غير ما تغير الشكل، لكن أنا ضد إننا نصدر للناس إن وشنا بانور وألماظ وشعرنا حرير لأن إحنا بشر من لحم ودم".
واستكملت "كرم": "الأمر وصل للخطورة وبقى في هوس عند السيدات بسبب عمليات التجميل، ولازم نتقبل شكلنا وإن عندنا نمش وبقع ونتقبل الشكل الطبيعي اللي ربنا خلقنا بيه".
هيدي كرم تؤكد أن مواقع التواصل الاجتماعي عالم مفتعل
وأشارت هيدي كرم إلى الكمال الغير طبيعي اللواتي يظهرن به معظم السيدات على مواقع التواصل الاجتماعي في شكل أجسامهم وملامحهم وملابسهم وحتى بيوتهم، معلقة "أنا تعبت من البرفيكشن وهوس الكمال على مواقع التواصل الاجتماعي، وإننا لازم نطلع مفيناش غلطة ووشنا زي السراميك".
تابعت: "نفسي نطلع طبيعين لأن إحنا بني آدمين عندنا عيوب ومشاكل ونمش وتجاعيد، ومواقع التواصل الاجتماعي عالم مفتعل ولازم نتقبل عيوبنا ونحبها ونتصالح معاها".
رسالة من هيدي كرم من أجل السيدات
واختتمت الفنانة هيدى كرم حديثها برسالة تشجيع لكل السيدات قائلة: “وأنا من موقعي هذا بشجعكم وأشجع الجميع إننا نرجع شوية بشوية للطبيعي ومنتكسفش من عيوبنا ونتقبلها، علشان نشد من بعض ونرفع من بعض لأن مفيش حد أحسن من حد”.