الرياضة

أعلن النادي الأهلي، اليوم الأحد، تعيين عماد النحاس مدربًا عامًا وقائم بأعمال المدير الفني للفريق الأول لكرة القدم، وذلك بعد رحيل السويسري مارسيل كولر.

وفي بيان رسمي نشره الأهلي عبر حساباته الرسمية: «قرر النادي الأهلي تعيين محمد يوسف، مديرًا رياضيًا، وعماد النحاس، مدربًا عامًا، وقائمًا بأعمال المدير الفني للفريق الأول لكرة القدم، ومحمد شوقي مدربًا».

ماذا قال عماد النحاس عن تدريبه لـ الأهلي؟

وخلال بودكاست «القلعة الحمراء»، يوم 15 مارس 2025، الذي كان يقدمه سيد عبدالحفيظ، في شهر رمضان الماضي، أجاب عماد النحاس خلاله عن سؤال «هتعمل إيه لو صحيت لقيت نفسك مدير فني للنادي الأهلي؟»، وقال وقتها: «أول حاجة هقعد أشوف الإنجازات إللي تم تحقيقها قبل كده من المدربين إللي مشيوا عملوها إزاي وهحاول أعمل زيهم وامشي بنفس السيستم».

وأضاف: «على المستوى الشخصي هتمنى لو هبقى محظوظ وقتها بمجموعة لاعيبة تنفذ أفكاري وحتى لو مش موجودين هحاول اشتغل مع الموجود إزاي ينفذوا جزء كبير منها».

وتابع: «مع نادي كبير زي الأهلي الدوافع والدعم كدة كدة موجودين من الجمهور،أنت بس هتحتاج تشتغل فني وربنا يوفقك».

وأكد: «كده كده كل الموجود عارف إنك عايز المركز الأول وهحاول أخلد اسمي في التاريخ لأن في مدربين جم ومشيوا ومحدش حس بيهم لكن أنا عايز اسمي يتذكر إني عملت حاجة للنادي ده».