تصدرت المطربة مي فاروق تريند محركات البحث جوجل ومواقع التواصل الاجتماعي خلال الساعات القليلة الماضية، بعد احتفالها بتخرج ابنتها زينة من المدرسة.
ونشرت مي فاروق عبر حسابها الشخصي بموقع تبادل الصور والفيدوهات "إنستجرام" صورة تجمعها بابنتها، وعلقت عليها قائلة: "إمبارح كان احتفال مبدئي بنهاية سنوات المدرسة، كتير قوي الـ 'prom' زي ما بيقولوا، كنت مستنية اليوم ده من سنين كتير يا زينة".
وأضافت فاروق خلال منشورها: "لو الإنجاز الوحيد اللي حققته في حياتي هو أنتِ ومالك، فهو كفاية عليا جدا لأنه أكبر وأهم إنجاز ونجاح".
وتابعت مي فاروق: "أنا مستنية يوم التخرج الرسمي، مش مصدقة إنك كبرتي وبتدخلي مرحلة جديدة في حياتك، الجامعة، ما شاء الله لا قوة إلا بالله، ربنا يحميكي ويحفظك وتحققي كل أحلامك".
واختتمت مي فاروق منشورها معلقة: "أنتِ ومالك بتحسسوني قد إيه أنا ناجحة وفخورة بيكم، أنا سعيدة جدا بوجود بنت رائعة وصديقة وأخت جميلة زيك، مبروك يا زوزي يلا كلها شهور ونبدأ مرحلة جديدة مليئة بالنجاح والخير ليكي، بحبك يا روح قلبي".