نصح الإعلامي أحمد شوبير حارس مرمى الأهلي ومنتخب مصر السابق مسؤولي نادي الزمالك بعدم التفريط في نجم الفريق المغربي محمود بنتايك.
وقال أحمد شوبير: «محمود بنتايك أحد نجوم الموسم مع نادي الزمالك، وعاجبني جدا اللعيب ده مركز ومحترم مش بتسمع له صوت ولا هيصة ولا له أي مشاكل».
وتابع شوبير: «معلوماتي إن الزمالك بيسعى حاليا مع نادي سانت إتيان الفرنسي عشان يقلل المبلغ اللي يشتري بيه بنتايك السنة اللي جاية».
وأضاف شوبير: «بنصح الزمالك من دلوقتي لا تقلل ولا تعمل لو فيه مبلغ متفقين عليه أدفعه مش هتعرف تلاقي الكواليتي ده تاني، وبنتايك شفناه في مباريات كثيرة متميز وبيتصاب ويرجع للملعب تاني ولعيب راجل».