نرمين الفقي: لما اختفيت ماحدش سأل عليا

0|سامح سعد

الخميس، 18 مارس 2021 11:16 م

حلت النجمة نرمين الفقى ضيفة على برنامج "معكم" تقديم الإعلامية منى الشاذلى، المذاع على قناة Cbc.

وقالت نرمين الفقي إن"المشكلة اللى عرفتها لما كبرت إنه بمجرد ما اختفيت ملقتش حد حواليا وفضلت فترة بقول معقولة مفيش حد يتصل بيا أو يهتم بيا، وللصراحة مفيش غير حنان شوقى وشيرين فاجئونى باتصالاتهم بالرغم إننا مش أصحاب أوى وهما اللى زارونى أيام مرض والدتى، وعملوا معاها كذا فيديو وأنا بشكرهم جدا".

وتابعت نرمين الفقي: "لما رجعت وقت مسلسل (جبل الحلال) قلت خلاص رجعت نرمين تانى وكان زمان بيقولوا إن الفنان اللى بيقعد بيكون مطلوب أكتر لقيت العكس بعد (جبل الحلال) والعروض اللى جت مكنتش لطيفة، لغاية لما جالى مسلسل (أبو العروسة)، وكان مخرج المسلسل فاكرنى هاعتذر عشان مش أنا اللى هأكون العروسة، ولكن انبسطت بيه جدا وحسيت إنه هايبقى حلو وفعلا ده اللى حصل وبقى تريند على طول".

وتخوض النجمة نرمين الفقي السباق الرمضاني بمسلسل "النمر" بطولة محمد إمام ومن إنتاج شركة سينرجي، ويشارك فى عدد من النجوم مثل هنا الزاهد، محمد رياض، أحمد عبد الله محمود، بيومى فؤاد وأحمد خالد صالح، علاء مرسى وعدد آخر من الفنانين الشباب.