جابلي ثعابين في الشقة علشان يموتنا.. زوجة تستغيث من زوجها.. عايز يرميني في الشارع أنا وعيالي

كلمات قليلة تتفوه بها بسنت لتعبر عن واقع أليم تعيشة برفقة أبنائها الصغار نظراً لتسجيل الزوج غياب في حياة أطفاله ولم يكتفي بذلك بل وصل به الأمر لمحاولة التخلص من زوجته و اولاده في عمر الزهور بترك ثعابين في مسكن الزوجية في محاولة لقتلهم.

استغاثة زوجة

وكشفت بسنت في استغاثتها من خلال موقع “بصراحة الإخباري” قائلة “حدث خلاف بيني وبين زوجي منذ 7 شهور ومن وقتها ماعرفش عنه أي حاجة، وبعدين والداتي كلمته قالها أنا مش عاوز بنتك قالتلة خلاص طلقها زاي ماطقلتها مرة قبل كدا بالتراضي ولكنه رفض وسافر، وبعد كدا طلبت منه مصاريف ولاده قالي عرفيني بيصرفوا كام بالضبط وبالفعلبعتله مرضاش يدفع وقالي المبلغ كبير وهو كان في حدود 4 الاف جنيه"

تعدي زوج على زوجته

وتابعت الزوجة “قعدت فترة كبيرة أنا وولادي مانعرفش عنه أي حاجة وماكنش بيرضا يصرف عليهم وأهلي حاولوا يتواصلوا معاه علشان يطلقني ولكنه رفض وقالهم خليها تخلعني مخلوع مخلوع فيها أي يعني، وبالفعل رفعت دعوى خلع من 4 شهور، وبعدين نزل من السعودية وجه الشقة واتعدى عليا أنا وأهلي وضرب أبويا”.

جوزي باع عفش الشقة

وأردفت “حاول يمشيني من الشقة وياخدها ولم رفضت علشان ماعنديش مكان تاني أنا واولادي سكن معانا هنا وبعدين بدء يكسر في الشقة وياخد العفش يبيعه، أخد ماطور المية باعه وعملتلة محضر وأخد طبق الدش برضوا وقطع علينا النت وكسر زجاج الشقة”.

جاب ثعابين في الشقة

واختتمت الزوجة “ في يوم بابا قاعد لاقى حسام زوجي دخل المطبخ وفي ايده كيسة سودا وبعدين طلع من غيرها علشان نكتشف بعد كدا إن هو جايب ثعابين علشان يموتنا وجبت الجيران يشهدوا وعملت محضر”.