انطلاق بطولة كأس العزبى لكرة القدم تحت شعار صيدلية العزبى بتشجع كل أبطالها (صور)

انطلقت النسخة الرابعة من كأس أبطال مجموعة صيدليات العزبي المُقام لكل العاملين في الصيدليات بالملاعب الخماسية في استاد القاهرة، تحت شعار "صيدلية العزبي بتشجع كل أبطالها".

انطلاق بطولة كأس العزبى لكرة القدم تحت شعار صيدلية العزبى بتشجع كل أبطالها

وعبر الدكتور أحمد الساداتي نائب المدير التنفيذي لمجموعة العزبي، عن سعادته بتكريم الموظفين ومشاركتهم في البطولة ومعهم أبنائهم، وقال خلال لقائه مع موقع "بصراحة": "النهارده إحنا عندنا حفل مميز بنكرم فيه الموظفين، وكمان بنحتفل إن صيدليات العزبي هي أول صيدليات في مصر حصلت على الشهادة العالمية «BEST PLACES TO WORK»، وكمان بنحتفل بالنسخة الرابعة من كأس أبطال العزبي".

وأضاف: "النهارده عندنا حاجة مميزة إن الموظفين مشاركين معانا في البطولة مش بس الموظفين بل أبنائهم أيضًا، احنا بنتعامل في صيدليات العزبي على إننا عيلة واحدة، وأولاد الموظفين هما ولادنا وبنحب نعملهم أنشطة كتيرة عشان نفرحهم ويكونوا سعداء بالعمل وبالترفية كمان".

وتابع:"النهارده النسخة الرابعة بالنسبة للموظفين، والنسخة التانية بالنسبة لأولاد الموظفين، إحنا سعداء كمان بشركاء النجاح .. شركات وموردين مشاركين معانا بمنتخبات، والبطولة تحولت لبطولة احترافية بمستوى عالي جدًا، وتصوير عالي المستوى، وإخراج وتعليق وحكام معتمدين، وده عشان إحنا بنحب نعمل كل حاجة بجودة عالية".

واختتم أحمد الساداتي قائلًا:"بنتمنى الفوز للجميع ولشركاء النجاح اللي معانا، وطبعًا بنتمنى الفوز لصيدليات العزبي، واحنا سعداء جدًا إن بطولة العزبي بتتعمل في نفس وقت بطولة كأس العالم، كل الناس دلوقتي بتتكلم وبتابع الكورة واحنا داعمين للرياضة بشكل عام.