رانيا فريد شوقي: مش أنا اللي أروح أخبط على أبواب المنتجين

قالت الفنانة رانيا فريد شوقي، إنها تختار أدوارها بعناية شديدة، مشيرة إلى أنها من الممكن أن ترفض أعمال كثيرة وتجلس في منزلها لأنها لا تشارك في أي عمل إلا إذا كانت مقتنعة به.

وأضافت «رانيا» خلال حوارها برنامج «الستات»، الذي تقدمه الإعلامية مفيدة شيحة، والإعلامية سهير جودة، عبر قناة «النهار»، اليوم الأربعاء، أن «اللي جواه فنان، مبيعرفش يعمل أي حاجة، زمان كنت عايزة انتشر، لكن دلوقتي عايزة أعمل أعمال كويسة واتبسط بيها».

وأوضحت: «أنا مش واخدة فرصتي لأني مش منتجة، فريد شوقي ذكائه إن كان منتج ومؤلف، أنا بستنى الأعمال اللي هتجيلي وبختار الأفضل، لو مفيش الأفضل هقعد في بيتنا».

وتابعت «رانيا»: «لا أسعى وراء المنتجين، بعتبر السعي هو إجادة الدور اللي بعمله، مش أنا اللي أكلم فلان عشان شغل، أنا تفكيري إن شغلي هو اللي بيتكلم عني».

وأكملت: «الرزق بتاع ربنا، وأنا مقصرة في حق نفسي، بس معنديش جرأة إني اقتحم وأطلب شغل، مش أنا اللي أروح أخبط على بيبان المنتجين».