ننفرد بننشر نص التحقيقات في واقعة وفاة صيدلي حلوان ولاء زايد.. المتهمون عذبوا الضحية وأهانوه أمام نجله.. وزوجته تكشف عن علاقتها الـ«مشبوهة» بصديق شقيقها: كان حنين عليا

حصل موقع «بصراحة» الإخباري على نص تحقيقات قضية الصيدلي ولاء زايد، التي تكشف كواليس كثيرة وظروف غامضة في القضية بعد إلقاء نفسه من الطابق الخامس بمحل سكنه بحلوان، بعد قيام زوجته وأسرتها وأصدقاء شقيقها باستعراض القوة تجاهه وتسببهم في وفاته في سبتمبر الماضي

وقالتالنيابة العامةإنتحقيقاتها انتهت إلى زوال شبهة القتل العمد في حق المتهمين؛ لعدم توافر الأدلة على ذلك، وأن الأقوال التي أثارت تلك الشبهة من شهادة بعض الشهود كانت أقوالًا مرسلة لم يؤيدها أي أدلة أو قرائن أخرى في التحقيقات.

كما ذكرت النيابة العامة أن تحريات الشرطة أيدت عدم تورط المتهمين في دفع المجني عليه من الشرفة، وأن الثابت في حقهم يقينًا ارتكابهم جرائم البلطجة والاحتجاز المصحوب بالتعذيب البدني على نحو ما انتهت إليه تحقيقات النيابة العامة.

اتفاق على الطلاق

قالت زوجةصيدلي حلوانامام رجال التحقيق:" المتوفي جوزي، وأنا متجوزاه من 2016، وكان بيشتغل صيدلي في المملكة العربية السعودية، وأنا قعدت معاه في السعودية من 2016 إلى 2019، وأنا رجعت عشان ابني يونس كان كبر وأنا عندي شغل هنا، وكان فيه فيه خلافات زوجية زي اللي بتحصل في كل البيوت زي مصروف البيت، وده حصل لما اكتشفت إن هو اتجوز عليا".

وأضافت الزوجة المتهمة:" انا اكتشفت جوازه ده لما جه مصر وجالي يوم ۲۰۲۲/۹/۲۱ قالي إن هو اتجوز واحدة ثانية، وعرفت بعديها إن هو اتجوز من يوم ۲۰۲۲/۹/۱٦ وإنه كان على علاقة بواحدة من أربع شهور، وانا اتوجعت من اللي عمله ورافضة إن أنا أكون زوجة تانية، وقولتله هجيب بابايا ونقعد نحل القصة ديه وحددنا مواعيد كذا مرة وهو كان بيخلف، وأنا كنت بحسه إن هو متردد في موضوع إن هو يطلق التانية وكنت حاسة إن هو مش مقتنع بيها كزوجة، وأنا اتفقت مع أبويا إن هو هييجي تاني يوم الواقعة عشان يتكلم معاه ويشوفلنا حل في القصة ديه، وكان معاه اخواتي علي وعمر".

خناقة وضرب

وأكملت :" هما قعدوا يتكلموا مع بعض واتفقوا إن هو يطلقني، وهما ما اتفقوش والموضوع ابتدا يتطور ما بينهم لدرجة إن هما ابتدوا يشتموا بعض بألفاظ بذيئة ويضربوا بعض، وهما كانوا بيزقوا في بعض ولما ابتدوا يضربوا بعض اخواتي ابتدوا يتدخلوا وضربوا ولاء عشان يدافعوا عن أبوهم عشان اتزق قدامهم على الكنبة، ومهاب جه وابتدا برضه يزق ويسلك ما بينهم، وكل ده حصل في حوالي ربع ساعة لحد ما «محمد ع» جه، وهو فض الدنيا ما بينهم وقالهم نتكلم بهداوة، و«محمد ع» قعد يتكلم معانا عشان نهدي الدنيا لغاية ما الدنيا هديت خالص وسیف جه".

وأكدت:"جوزيولاءكان مخضوض من الموقف بس محدش عمله حاجة، وعلاقتي الأثمة مع المدعو "محمد.ع" هو كان بيقولى بحبك على الواتس اب وانا كنت بقوله انا ست متجوزة وقفلت الموضوع ده، وجوزي طلقني قبل كده لأن أنا كنت على علاقة بواحد وهو عرف فانفصلنا.. وعرف أهله بعد كده رجعنا بعد سبع شهور، والشخص ده اسمه محمود وكان فيه شات ما بينا على التليفون".

سرقة 25 ألف جنيه

وقالت الزوجة المتهمة عن حوارها مع زوجهاصيدلي حلوانالمجني عليه:" إحنا كنا متفقين إن هو يطلقني ويديني حقوقي الشرعية، وإحنا دخلنا في الأوضة واتكلمنا مع بعض شوية، ولما دخلنا اتكلمنا في حاجات زوجية، وقالي إن أنا هطلق الزوجة الثانية، وهو كلمها في التليفون وقالها إنتي طالق لأنها ساكنة في المنوفية وكنت عايزها تيجي عشان يطلقها دلوقتي وهو طلقها قدامي أنا في التليفون، قالها إنتي طالق وهي سكتت وبعد كده قالتله ماشي يا ولاء وقامت قافلة، وبعد كده بعتنا نجيب أكل من بره وكان معايا م ع ووالدي وولاء، وبعديها بحوالي نص ساعة وصل الأكل وساعتها حصل مشكلة، ولما أنا جيت أحاسب ملقتش الفلوس في الدولاب اللى كنت شايلاه تحت هدومي في دولابي، وهم 25 ألف جنيه، وهو مفيش في البيت غيري أنا وولاء، وواجهت جوزي انه هو اللى سرقهم وهو قالي أنا معرفش حاجة عن الفلوس، وإحنا قعدنا بنزعق واتخانقنا مع بعض وصوتنا علي وبعد كده سألته أنت أخدت الفلوس؟ قالي لا وبعدها هدينا عشان أكل ابني.

السقوط من البلكونة

وأضافت المتهمة زوجةصيدلي حلوان:"أنا طلعت لابويا وم. ع، في الصالة علشان أكل ابني، وفجأة واحنا قاعدين سمعنا صوت هبدة، ومعرفش هو صوت هبدة عملت بوم، وأنا جريت عشان أشوف إيه اللي حصل، ووقفت في الشباك لقيت جوزي واقع في الأرض، وأنا لقيته واقع على الأرض والناس شلته وخدوه ودوه على المستشفى وإخوتي كانوا واقفين تحت، وأنا نزلت على البيت عند أمي عشان أودى ابني.. عشان ميشوفش منظر أبوه ده وقعدت أتابعه بالتليفون، وتواصلت مع والدي وإخواتي الاتنين، عشان اطمّن على جوزي، لحد ما لقيت ضابط مباحث جيه البيت عند والدتي".

كشفت تحقيقات النيابة العامة في قضية الصيدلي ولاء زايد، مفاجأت جديدة حول الواقعة وعلاقة المجني عليه بزوجته، وكواليسالساعات الأخيرة في حياة صيدلي حلوان.

وأوضحت: كان زوجي على علم بأن والدي سيحضر صباح يوم الواقعة، وكان معاه اخواتي على وعمر، هما كانوا بيزقوا في بعض ولما ابتدوا يضربوا بعض اخواتي ابتدوا يتدخلوا وضربوا ولاء عشان يدفعوا عن بابا عشان ابوهم اتزق اودامهم على الكنبه.

ووجهت النيابة سؤالاً حول ما قولها فيما قرره شقيقهابتحقيقات النيابة العامة أنهم قاموا بتكبيل المتوفي بايديهم على الاريكة؟، قائلة المتهمة: هما فعلا كتفوه بايديهم على الكنبة، وحول وجود خدوش بمنطقة الصدر، قالت: هي ممكن تكون حصلت من المشادة بتاعت الصبح.

كشفت تحقيقات النيابة العامة في قضية الصيدلي ولاء زايد، مفاجأت جديدة حول الواقعة وعلاقة المجني عليه بأرملته ر.عمؤكدة أن الزوجة لديها علاقةسابقة تسببت في طلاقها.

تحقيقات قضية صيدلي حلوان

وأظهرت التحقيقات التي حصلعليها موقع «بصراحة» الإخباري، اعترافأرملة الصيدلي ولاء زايد،بعلاقاتها مع أحد الأشخاص، موضحة أن هذه العلاقة تسببت في طلاقها.. وإلى نص التحقيقات.

س: وما قولك فيما قرره والدك بالتحقيقات أنه سبق وأن طلقك المتوفى الى رحمة مولاه فما هو سبب ذلك؟

ج: لأن انا كنت على علاقة بواحد وهو عرف فانفصلنا.. وعرف أهله بعد كده رجعنا بعد سبع شهور.

س: وما هو ذلك الشخص تحديدا؟

ج: هو شخص اسمه محمود وكان فيه شات ما بينا على التليفون

س: ما تعليلك لوجود تلك المحادثة على هاتفك؟

ج: دي المحادثة اللى انا اطلقت بسببها بعد كده رجعت.

علاقة مع متهم

كما أظهرت التحقيقات التي حصلعليها موقع بصراحة، أن أرملة الصيدلي ولاء زايد على علاقة عاطفية تجمعها بأحد المتهمين ويدعى م. ع.أ، وفقما أفادت تقارير المباحث العامة.

وأوضحت التحقيقات أنه بمواجهة المتهمة، نفت هذا الإدعاء، وقالت:هو كان بيقولي بحبك على الواتساب وأنا كنت بقوله أنا ست متجوزة وقفلت الموضوع دا.

وإلى نص التحقيقات:-

ما رأيك فيما سطره المقدم محمد المعداوي في المحضر المؤرخ في 27/9/2022 من أنكي على علاقة عاطفية آثمة بالمتهم محمد عصام السيد أبو زيد؟

هو كان بيقولي بحبك على الواتساب وأنا كنت بقوله أنا ست متجوزة وقفلت الموضوع دا

ما هي علاقتم بكل من محمد عصام السيد أبو زيد ؟

محمد عصام صاحب أخويا عبدالله.