فاروق جعفر يطالب بحل مشكلات الزمالك قبل مباراة الترجي

علق فاروق جعفر، نجم الزمالك السابق، على تعادل الزمالك اليوم، أمام وادي دجلة، غاضبًا من أداء الفريق وتعادله سلبيا وتضيع عبدالله جمعة لضربة جزاء قبل انتهاء المباراة بدقائق.

وقال فاروق جعفر: «نادي الزمالك فيه مشكلة، ولازم تتحل قبل مباراة الترجي التونسي، لانها مباراة مهمة وخارج مصر، ولو في حاجة اللاعيبة تتكلم فيها هتخيليهم يركزوا في الملعب، فلازم يبدأوا يتكلموا مع الإدارة، يجب عدم الضغط على اللاعبين لأنهم سيلعبوا المباراة في أفريقيا، ويجب عشان تكملوا في البطولة، انكم تكسبوا وتحققوا نتيجة إيجابية، النهاردة كان في حاجة غلط، ممكن تكون بين اللاعبين والمدرب، وممكن بين اللاعبين وبعضهم، وممكن حاجة داخل الفرقة».

اقرأ أيضًا:عبد المنصف: مش مهم السن وبقالي فترة بتعلم من المدرسة الألمانية

وأنهى حديثه: «المباريات الصغيرة ملهاش كبير، ومتعرفش انت رايح فين، وبطولة الدوري البطل يكسبها بالفوز علي الفرق الصغيرة، وتجميع النقاط من هذه المباريات، بينما المباريات الكبير يحتمل فيها الفوز والتعادل والخسارة».