السبت 3 ديسمبر 2022
حالا
رئيس التحرير
محمود سعد الدين
alshoura ads

سهير جودة: الست اللي بتقول إنها مضحية دى مبتزة عاطفيا

سهير جودة  موقع بصراحة الإخباري
سهير جودة

علقت الإعلامية سهير جودة، على فكرة عدم تعاطف الأبناء مع لأم المضحية، قائلة: «في بعض من الأجيال الجديدة  تيجي تقوليلها أنا ضحيت وانا عملت، هما مش هيتعاطفوا معاكي او بعضهم هيشوفك ضعيفة ولستي قوية، وان محدش اجبرك على كدة».



وأضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «وبعدين في ستات كتير دلوقتي على السوشيال ميديا بيشيروا أنها هي الست الجامدة اللي بتعمل كل حاجة، وانا مديرة المدرسة، وانا مديرة البيت و الحضانة، واضح ان الستات تعبوا من كتر الحاجات اللي بيعملوها».

وتابعت: «الستات أنواع، والنوع الأول هو مثل متن الكتاب، فإذا كان الاهتمام بالهوامش فلن يكون هناك عائلة، اذا انا عندي امرأة نفسيتها تتناسب مع المتن العام، بمعنى انها مضحية، لأنها تريد ذلك، لان ذلك هو الأمر الطبيعي التي تريده».

وأشارت: «الست هي رئيس مجلس إدارة والراجل مينفعش يبقى رئيس مجلس إدارة، الراجل تنفيذي، ولكن المرأة الناجحة عي اللي تكون رئيس مجلس إدارة بروح القائد، لا تعطي أوامر، وتعمل الحاجات صح زي ما هي شيفاها او اقرب للمثالية زي ما هي متوقعاها، ولكن بطريقة فيها حب وفيها فن».

وتابعت سهير أن هناك نوع آخر من الستات يدعى بالست الهامش، قائلة: «ليها كل الاحترام، وهي بتكون عايزة تنتمي لبيتها وأولادها وجوزها، وعايزة كمان تنتمي لنفسها،  في جزء لنفسها هي عايزة تحققه، وبتفضل تجلد في نفسها أنها ليست الأم المثالية». 

وأوضحت ان هناك نوع ثالث من الستات تتمنى أن تكون متحررة ولا تريد أن تنتمي لأي نوع من السابقين، هي دائما متمردة، مشيرة أنه يجب على الست ان تحدد إلى أي نوع تنتمي، قائلة: «الست اللي بتقول انها مضحية هي ست مبتذة عاطفيا».  

Go to top of page