عمرو أديب: بعض المدارس بتفتري في الطلبات وأولياء الأمور بيدخلوا جمعيات عشان السبلايز

تحدث الإعلامي عمرو أديب عن بدء العام الدراسي الجديد، ومعاناة الأسر في توفير احتياجات أبنائهم الدراسية، وتلبية طلبات المدارس من مصروفات وسبلايز.

قال «أديب» في تعليقه خلال برنامجه «الحكاية»، الذي يعرض عبر قناة «إم بي سي مصر»: «الله يكون في عون أولياء الأمور، الناس بتحاول بقدر الإمكان إنها توفي الاحتياجات».

وأضاف: «المطلوب كتير، والحاجات غليت، لكن بعض المدارس هناك افترا في الطلبات، البعض بيطلب لتر كحول من كل تلميذ، ليه؟! ما خلاص الكورونا عدت، الكحول ده لإيه؟! طلبات غريبة وبتجمل».

وتابع «أديب»: «الله يكون في عون الناس وأولياء الأمور ويقدرها، ناس كتير عاملة جمعيات عشان تجيب السبلايز، والسبلايز كل سنة بقى عندنا فيها مسمرة، حاجات ولا إننا في كلية هندسة، يعني المصاريف اللي دفعها التلميذ مفيهاش حاجة لما يدخل الحمام يلقى يصبن إيديه».