عمرو أديب يكشف أسباب زيادة أسعار البيض ويهاجم التجار: اربح بشكل خفيف عشان تكمل معانا نضيف.. وبطرح حلاً لمواجهة تضخم الأسعار: غير السوبر ماركت اللي تحت البيت وابحثوا عن أفضل سعر للسلع

أكد الإعلاميعمرو أديبعلى أن الدولة المصرية تتأثر بقيام ضم روسيا لـ 4 مناطق في أوكرانيا والمشكلات التي تحدث، مشيرًا إلى أن العالم لم يشهد منذ فترة كبيرة مثل هذه الأشياء.

الحرب الروسية الأوكرانية وتأثيرها على مصر

وأوضح الإعلاميعمرو أديبخلال تقديم برنامجه "الحكاية" على شاشة "إم بي سي مصر" : الناس اللي بتشتكي اليومين اللي فاته على زيادة سعر البيض، عشان المشاكل اللي بتحصل في روسيا وأوكرانيا، وما حدث في روسيا اليومين دول بيأثر على مصر أكيد، إحنا شايفين ردود أفعال كتيرة في العالم لكن أنا باصص على مصر، والدنيا هتتظبط".

ضم 4 أقاليم أوكرانيةإلى روسيا

وقال: طلع الرئيس بوتين النهارده قال مساء الخير يا كوماندا الـ 4 مناطق اللي في أوكرانيا دول بتوعي، طبعًا إحنا منعرفش قبل كده أن روسيا أخدت حاجة ورجعتها قبل كده".

وأضاف أديب: "روسيا لن تُعيد الـ 4 مناطق إلا لما تجيبهم الأرض، وقال حاجة دمها خفيف جدًا خلتني ضحكت: الآن نستطيع أن نتفاوض"، والراجل النهارده خد الـ 4 أقاليم دول وهضمهم خلاص".

جلسة مجلس الآمن ملهاش لازمة

وتابع: "من نصف ساعة العالم المتقدم عمل قرار في مجلس الآمن بعد ما قاله ده غير مقبول، في الجلسة ملهاش لازمة أبدًا والاتحاد الأوروبي قال مش هنعترف بس ملهوش لازمة الكلام ده".

عمرو أديب: الأوروبيين هيجوا يقعدوا عندنا

قال الإعلامي عمرو أيب، إن موسم السياحة الفترة المقبلة سيشهد انتعاشة كبيرة نظرا لعدة أمور.

وأضافعمرو أديب: " هناك صراع في المنطقة بتاعتنا قوي الشهور القادمة، في كأس العالم في قطر الناس بتحاول تستفيد منه بأي طريقة القريبين منه بيحاولوا يستفيدوا عمل تخفيضات وعروض".

وتابع: عندنامؤتمر المناخوالعالم كله جاي عندنا فاحنا عندنا أحداث كثيرة وراء بعض تخلينا نقدر نستفيد من هذه السياحة.. واصلة لحد إني في أوروبيين هيجوا يقعدوا في مصر عشان فواتير الكهرباء عندهم غالية فأرخصله يجي يقعد عندك في أوتيل".

أديب لـ "التجار": "اربح بشكل خفيف عشان تكمل معانا نضيف"

وجه الإعلامي عمروأديب، رسالة إلى تجار القطاع الخاص، قائلا: "انظروا إلى الخارج، في شركات بدأت متشتغلش، بلاش تبالغ في زيادة الأسعار عشان سلعك تتباع".

وقال ، مساء الجمعة، "اربحوا بشكل خفيف عشان تكمل معانا نضيف"، حيث أن زيادات في الأسعار بشكل مبالغ فأن السلع لن تباع، مضيفا: "زي ما الإنجليز بيقولوا متغيرش حياتك غير السوبر ماركت بتاعك، وإبحثوا عن أفضل سعر للسلع".

وقال إن مصر تستورد 85% من احتياجاتها من الزيت، مضيفا: "اشتروا من منافذ الدولة حتى تحصلوا على أسعار جيدة للسلع"، لافتا إلى أن شركة أبل قررت عدم طرح الدفعة الجديدة من أبل فون، معلقا: "بيقولوا السوق ميستحملش".