اهل السويس يجبرو بخاطر شاب بعد تلف مشروعة

تداول رواد السوشيال ميديا عبر موقع التواصل الاجتماعي قصة لشاب مكافح فتح محل صغير لبيع المستلزمات الغذائية ولكن بارة سلعته مما دفعهإلى رميها بالقمامة وتم نشر القصة لاقيت تفاعلات كثيرة إيجابية.

وكان مضمون التدوينه«مساء الخير على اهل السلام المحترمين بمدينة السويس .. الراجل اللي في الصورة ده شاب ثلاثيني .. لسة مأجر محل من شهر تقريبا لبيع الخضروات والفاكهة .. المهم انا علشان ساكن جنبه كل يوم الاقيه بيفتح من ٥ الفجر تقريبا لحد الساعة ١١ بالليل .. من اسبوعين صعب عليا لما شوفته بيرمي البضاعة اللي هو اشتراها علشان تقريبا من اول اسبوعين ماحدش كان يعرف انه فاتح يسترزق من الخضار والفاكهة .. فالحاجة باظت واضطر يرميها .. دلوقتي نزلت اشتري من عنده لقيته زعلان فقولتله معلش اصبر وان شاء الله ربنا هيكرمك .. فانا على اد ما قدرت اشتريت من عنده .. وحاجته حلوة والله وبنفس سعر سوق الانصاري تقريبا .. فخايف الحاجة اللي عنده برضه تبوظ ويضطر يرميها .. فياريت اللي يقدر ينزل يشتري حتى لو حاجة بسيطة من عنده نشجعه .. بدل حرام الفلوس والبضاعة اللي بيترموا .. هو مكانه في اول شارع عمر من ناحية الشبراوي خامس عمارة على الشمال لونها اصفر هو فاتح تحتها جنبه كهربائي .. وربنا يجازيكم كل خير».