الأحد 27 نوفمبر 2022
حالا
رئيس التحرير
محمود سعد الدين
alshoura ads

انت رقاصة.. أحمد فلوكس يهاجــم محمد رمضان بعد سخريته من والده

موقع بصراحة الإخباري

هاجم الفنان أحمد فلوكس، الفنان محمد رمضان، بعد سخريته من والده الفنان القدير فاروق فلوكس، بسبب تجسيده لشخصية صبي رقاصة في فيلم “الراقصة”.

 

وكتب أحمد فلوكس عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”: شوف يا حماده، انت ترفض إنك تعمل دور صبي رقاصة لأنك دايما نمبر وان، فأكيد هتبقي عينك على دور الرقاصة نفسها، مش الصبي بتاعها.

وواصل: انت ما شاء الله ناجح في ده جدا وبتعمله سهل وانت عريان ما دريان، نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان.

وأضاف: أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة.

وأختتم أحمد فلوكس قائلًا: بحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان، وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار.

 

Go to top of page