عمرو أديب يهاجم الديب: دفاعك عن قاتل نيرة أشرف ظلم للبنت اللي ادبحت قدام الناس

أعرب الإعلامي عمرو أديب عن غضبه واستيائه من تولي المحامي الشهير فريد الديب، دفاع قاتل نيرة أشرف الشهيرة بـ فتاة المنصورة، الذي تم قتلها بطريقة بشعة أمام الناس في الشارع من خلال طعنها بالسكين بسبب رفضها له.

عمرو أديب يهاجم فريد الديب

قال عمرو أديب خلال برنامجه الحكاية المذاع عبر قناة mbc مصر: "أي انسان محكوم عليه بالإعدام يستحق محارب وحد يدافع عنه، لكن أنا مش مرتاح أبدا لتصدي فريد الديب للدفاع عن قاتل نيرة أشرف، وإنه يتصدى إنه ينقذه من حبل المشنقة رغم إنه أمر منطقي لكن أنا مش هاضمه.. دا ظلم للبنت اللي ادبحت قدام الناس في الشارع ".

قتلنيرة أشرف

وتابع عمرو أديب، حديثه: “المفروض نجبلك فيديو القتل تاني تتفرج عليه، وتشوف البنت اتقطعت ازاي في الشارع قدام الناس، فكرة الدفاع دي فكرة تصل إلى حد الإستفزاز وحاجة تعصب الحقيقي”.

وسبق وأن علق عمرو أديب على هذا الأمر من بدايته، فقال: ""فريد الديب من الأسماء المهمة وهو أحد أهم 5 محامين في مصر.. أنا مش فاهم سبب هذا الحماس اللي ساعات بنشوفه مؤكد وساعات يتم نفيه .. سواء كان عاوز أو مش عاوز.. عاوز أسأله ليه عاوز تدي ثقل لهذا المتهم .. إيه هي الظروف اللي مخلياك متعاطف مع المتهم، أنا لا أنفي حق المتهم في وجود محامي أو عشرة أو عشرين معه.. لكن هل إنت لسه بتدور على مجد.. إنت ليك مجدك ولك ما لك وعليك ما عليك .. فريد الديب تدخل في قضايا خلافية كثيرة منها إنه دافع عن جاسوس إسرائيلي".