رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

سائق الإعلامي وائل الإبراشي: كنت بجيب الأجهزة الطبية من واحد معرفة الطبيب المعالج| انفراد

الإعلامي الراحل وائل الإبراشي
الإعلامي الراحل وائل الإبراشي

ينفرد موقع بصراحة الإخباري بنشر النص الكامل للتحقيقات في قضية وفاة الإعلامي الكبير وائل الإبراشي.

وحصل موقع بصراحة على التفاصيل الكاملة لقضية وفاة الإعلامي وائل الإبراشي، والتي تضمنت أقوال الأطباء والمقربين واقوال شهود العيان في الواقعة.

وأدلى بهاء محمد ادريس عوض السائق الخاص بالإعلامي الراحل، وائل الإبراشي بأقواله أمام النيابة العامة.

وفيما يلي نص التحقيقات:

س\ من هو القائم على هذه العيادات وقت توجهك اليها:

ج\ اللي اداني الدوا لما روحت أول مرة السكرتيرة اللي كانت قاعدة فوق ومشفتش دكاترة في المركز ساعتها.

س\ ومن الذي كان يتحمل نفقات هذه الأدوية:

ج\ لما كان الاستاذ وائل بيديني الورقة كان هو اللي بيحاسبني ولما شريف اللي بيديني الورقة كان بيديني هو الفلوس لكن كان بيبقى واخدها من الاستاذ وائل لان استاذ وائل كان بيبقى قاعد ادامي جوه لكن المرة اللي روحت اخدت فيها العلاج من العيادة، مدفعتش فلوس وكمان المرة اللي اخدت فيها العلاج من سواق الاتوبيس مدفعتش فلوس وانا مش فاكر تمن الأدوية دي كان كام بالظبط اللي انا فاكره تمن الأدوية اللي استاذ وائل باعتلي اسمها كانت بحوالي 180 جنيه.

س\ ومن اين أحضرت قناع الأكسجين الذي أشرت اليه؟

ج\ أنا جبته برضه من العيادة بتاعته اللي في المهندسين واللي ادهولي ساعتها هي السكرتيرة برضه.

س\ وما هي قيمة ذلك القناع؟

ج\ أنا مدفعتش فلوس ومعرفش حاسبه عليه ازاي.

س\ صف لنا العيادة المذكورة؟

ج\ هي غالبًا في الدور الثالث وأنا مش متأكد من الدور بالظبط والباب بتاع العيادة هو أول باب جنب الاسانسير على طول على اليمين، وأول ما بخش من الباب بتاع العيادة على الناحية اليمين كونتر خشب كبير وقاعدة وراه السكرتيرة وواحدة تاني وفي وش الكونتر على طول فيه كراسي الانتظار وفي طرقع في وش الباب بتاع الدخول بس أنا مدخلتش الطرقة ومعرفش فيها ايه لان أنا التعامل بتاعي كله كان بيبقا مع السكرتيرة اللي على الكونتر.

س\ ومن أين أحضرت الأجهزة الطبية التي أشرت إليها؟

ج\ هو الدكتور شريف وجهني عن طريق الممرض ياسر لواحد معرفتهم في شارع القصر العيني بعتولي رقمه وكلمته لغاية لما قابلته مرتين في يومين مختلفين كل مرة فيهم خدت منهي جهاز مرة خدت جهاز كبير ومرة خدت جهاز حجمه متوسط.

تم نسخ الرابط