شهود عيان على واقعة ذبح سيدة ببورسعيد: أخوها خلص عليها عشان فلوس المخدرات 

جريمة بشعة هزت محافظة بورسعيد، بعدما أقدم شاب على قتل أخته بطريقة بشعة، بسبب إدمانه المخدرات.

قال شهود عيان خلال لايف موقع بصراحة: "فجأة لقينا أخ بيضرب أخته وطعنها في جسمها، ونزل خلص عليها على السلالم، مشوفناش منها حاجة وحشة، كانت في حالها وعمر ما كان ليها في الأذية، رفضت تتجوز بعد طلاقها وكانت دايما تقول: أنا عايشة لعيالي وبس، كان بيضرب أمها امبارح قبل قتلها بـ12 ساعة، مكنتش عاوزه تديله فلوس عشان يشرب مخدرات، حاولت تديله 50 جنيه ولما رفض خلص عليها، ده المفروض يتقطع في ميدان عام مش إعدام كده وخلاص".