والدة «عصمت» طالبة الـ50% في الثانوية العامة: بالله عليك يا سيادة الوزير احنا ناس غلابة

ضحية جديدة من ضحايا الثانوية العامة، ظهرت في قرية منشية الجنيدي بمركز طنطا بمحافظة الغربية، حيث حصلت الطالبة "عصمت" على مجموع 50% والذي قضى على آمالها في الالتحاق بكلية طب الأسنان.

قالت والدة "عصمت" خلال لايف موقع بصراحة: " والله العظيم احنا محروق دمنا، ونفسي بنتي تاخد حقها بما يرضي الله، أنا دلوقتي مش لاقية كلية أدخل بنتي فيها بعد ما كنت متوقعة تدخل كلية طب الأسنان اللي نفسها فيها، حلم حياتنا راح وتعبنا راح، بالله عليك يا سيادة الوزير احنا ناس غلابة، نفسي حضرتك تسمع صوتنا، بنتي كانت تعبانة ومركبة محاليل وبتمسك الكتاب عشان تذاكر، مش مصدقين نفسنا لحد دلوقتي وبنتي منهارة من الصدمة".