«الناس بتشتمني بأسوأ الألفاظ».. مايان السيد تفكر بالاعتزال لهذا السبب

حلت الفنانة مايان السيد ضيفة على برنامج، مساء DMC الذي يقدمه الإعلامي رامي رضوان ويعرض عبر مجموعة قنوات DMC، في تمام الساعة التاسعة مساءً.

وكشفت مايان خلال الحلقة أنه كانت تفكر في الاعتزال بالكثير من الأوقات، قائلة : كنت هعتزل التمثيل وكل حاجه مش بس السوشيال ميديا لكن فكرت اني اعتزل خالص التمثيل بجد كان فيه فيديو انا نزلته بهزر مع صحابي وإحنا مسافرين بقول فيه ميان ميونة وأميرة أمورة ولقيت الناس بتهزر ودي حاجة مضايقتنيش وكان ناس بتتريق ودي حاجة عديتها وكان فيه ناس بتشتم بأسوأ الألفاظ وده خلاني أزعل قوي وتعبني قوي قوي.

سبب اعتزال مايان السيد

وتابعت:كلمت حد من صحبي اسمه ماركو وفضلت احكي له اني مش عايزة ابقى الناس عارفاني وتكلمني بالطريقة دي وبفكر إني مكملش وأقفل السوشيال ميديا، وقالي انتي بتعملي الحاجة اللي بتحبيها وبتتبسطي وأنتي بتعمليها فكملي ومتتضايقيش لما حد يقول كده، ومتقريش أصلا الكلام ده.

آخر أعمال مايان السيد

الجدير بالذكر أن مايان السيد شاركت في دراما رمضان الماضي من خلال مسلسل "الاختيار 3" بطولة كريم عبد العزيز وأحمد عز وأحمد السقا وياسر جلال ومحمد رياض وإيمان العاصي وخالد الصاوي وصبري فواز ومحمود البزاوي وهشام إسماعيل، ومن تأليف هاني سرحان وإخراج بيتر ميمي، والعمل يحكي بطولات الجيش والشرطة في محاربة الإرهاب.