عمرو أديب يهاجم فريد الديب: أنا مش فاهم سبب حماسك أنت مش محتاج فلوس

هاجم الإعلامي عمرو أديب المحامي الشهير فريد الديب، والسبب موافقته على الدفاع عن محمد عادل قاتل طالبة المنصورة نيرة أشرف.

وقال عمرو أديب في برنامجه الحكاية:فريد الديب من الأسماء المهمة وهو أحد أهم 5 محامين في مصر.. أنا مش فاهم سبب هذا الحماس اللي ساعات بنشوفه مؤكد وساعات يتم نفيه .. سواء كان عاوز أو مش عاوز.

وواصل:عاوز أسأله ليه عاوز تدي ثقل لهذا المتهم .. إيه هي الظروف اللي مخلياك متعاطف مع المتهم،أنا لا أنفي حق المتهم في وجود محامي أو عشرة أو عشرين معه.. لكن هل إنت لسه بتدور على مجد.. إنت ليك مجدك ولك ما لك وعليك ما عليك.

وأضاف:فريد الديب تدخل في قضايا خلافية كثيرة منها إنه دافع عن جاسوس إسرائيلي،ليه يا أستاذ فريد.. لا هي مجد ولا قيمة مادية .. أنت لا تحتاج إلى قيمة مادية .. الخطوة دي سببت أذى لإحساسي .. أناشدك متأخدش القضية دي.

وأردف:لو في النقض صدر حكم إعدام ضد محمد عادل يبقى فريد الديب معلمش حاجة .. يبقى زيه زيي.. هل أنت عاوز تمارس رياضة فكرية ، طاب ما تكتبها في كتاب.

وأختتم عمرو أديب حديثه قائلًا:فريد الديب رافض ينفي أو يؤكد هياخد القضية ولا لأ.. هو قال أنا بصيت في الحيثيات .. إنت مش محتاج شهرة ..مصر فيها آلاف المحامين وفيه منهم العشرات يحبوا القضية دي لكن ليه فريد الديب عاوز يهز قناعة داخل المجتمع.