رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

سابني في بطن أمي ورجع يشهر بيا.. القصة الكاملة لخلاف الفنانة بوسي مع والدها وعدم حضوره حفل زفافها

بوسي
بوسي

بعد أن تصدرت الفنانة بوسي قائمة الترند في مصر بإعلانها عن حفل زفافها بأحد الفنادق الكبري، اليوم، على أحد أشهر مصففي الشعر هشام ربيع، استعاد الجمهور خلافها مع والدها محمد شعبان، الذي تحدث مع وسائل الإعلام عن "جحود ابنته".

وأكد والد بوسي في عدة تقارير صحفية أنه لمعلم بخبر زفافها من بعض الصحفيين الذي تحدثوا معه، مؤكداً أنه لا يريد تعكير مزاجها بحديثه ويتمنى لها السعادة ولكنه كان يريد التواجد.

وأضاف والد بوسي: "لو كلمتني دلوقتي وطلبت حضوري هحضر فورا دون تردد".

بداية القصة

عندما صرح محمد شعبان والد بوسي، في مداخلة هاتفية لبرنامج "رأي عام" عبر فضائية TEN، بأن بوسي بسبب مشاكل مع طليقها فطين سعيد، انشغلت عنه لنحو 4 سنوات، وانقطعت عن مساعدته ماليا رغم معاناته صحيا.

ويقول: "بوسي بنتي، وهي مابترفضش إنها تساعدني، وعلاقتنا كويسة، ولكن هي كانت الأول من 4 سنين بتبعتلي فلوس عشان عارفة إني تعبان، نظري خلاص انتهى، وعندي حساسية شديدة في صدري، وعندي عملية ولكن لو أخدت حقنة بنج هموت فيها، وقفلت الورشة بتاعتي اللي كنت باكل منها، ومعنديش مصدر رزق تاني آكل وأعيش منه".

تابع: "هي لما حصلها مشكلتها مع زوجها هربت 9 شهور في لبنان، وانشغلت عني ومبقاش بإيدها إنها تبعتلي فلوس، هي هتخلص مشكلتها ولّا تخلصني ولا هتعمل إيه؟ ولكني انتظرت المدة دي كلها لحد ما مديت إيدي للناس، فيه ناس ساعدوني كتير عشان آكل وأشرب وأعيش، وطبعا ولادي التانيين كل اللي بيقدروا يعملوه إني آكل وأشرب، لكن مش بيقدروا يجيبوا العلاج، علاجي شديد وغالي، ولكن إمكانيات بوسي اليومين دول متسمحش إنها تبعتلي فلوس".

واستكمل: "هي كل مرة بتكلمني تقولي بكرة ولا بعده هحولك فلوس، أنا مش زعلان منها، أزعل من بنتي إزاي؟ مقدرش أزعل من بنتي، ولا هي زعلانة مني ولا حاجة، أنا بدعيلها إن ربنا ينجيها من الأزمات اللي هي فيها".

رد بوسي على اتهامات والدها

قالت "أنا مش مصدقة اللى بيحصل، خاصة أني لم أقصر لحظة واحدة فى تقديم المساعدة والعون لوالدي، وكل طلباته مجابة على قدر ما استطيع وأكثر، وأرسلت له مبلغا من المال قبل حديثه لوسائل الإعلام بيومين"، وأضافت :"بكل أسف الناس ما بتصدق تلاقي كلام من هذا القبيل حتى يتعاطفون معه دون النظر إلى الطرف الآخر أو معرفة الحقيقة".

وأضافت: "قبل أن تحكموا على شخصى وتنالوا منى اعرفوا الحكاية، أنا المظلومة وليس أبى، ويعلم الله أني لم أقصر معه ولا مرة وهو يعلم ذلك، وكنت أرسل له المال مع إخوتى"، وأضافت: "مررت بظروف صعبة كادت تهتك أي بني آدم ومررت بأزمة طاحنة ولم أجد أبي معي، لكني حريصة كل الحرص على صلة الرحم رغم الجفا الذي رأيته منه".

سعد الصغير يكشف كواليس جديدة

كشف الفنان سعد الصغير خلال برنامج "سابع سما" مع الإعلامية راغدة شلهوب، والذي عرض في رمضان الماضي، عن أنه طلب من بوسي التواصل مع والدها لكنها قرأت رسائله ولم ترد عليها، كما أنها طلبت من مدير أعمالها التواصل معه عقب عرض الحلقة التي جمعته بوالده ولم تهتم أن تتواصل هي مع سعد.

وقال: "أنا لو أبويا حرامي بس هو أبويا، مش هي بتطلع زكاة طلعي زكاة إديها لأبوكي، هي وجهة نظرها إزاي يطلع أبوها يفضحها في التليفزيون".

قال سعد الصغير إنه اخترع مع والدها قصة أن يكون أحد الأشخاص قد اتفق معه على مهاجمة بوسي عبر الفضائيات، وأضاف سعد: "أبوها قال بعد كده معلش يا بنتي ده واحد خدني من إيدي وأنا غلبان مش عارف حاجة، قالي تعالى إطلع مع الفنان فلان الفلاني وقالي قول كذا وكذا، مين اللي خلى أبوها يعترف العبد لله، قولتله بص يا حاج إحنا هنقول واحد اتنين تلاتة".

وأضاف: "بصراحة الراجل محدش قاله تعالى أنا بكلمك بمنتهى الصراحة، أنا اللي اخترعت الفيلم ده عشان نصلح الموضوع إن أبوها طلع في التليفزيون وقال إنها مقطعاني".

وتابع: "اخترعت إن حد سلط أبوها، لكن محدش سلط أبوها ومحدش اتكلم بس هي قعدت 6 شهور متبعتلوش فلوس والراجل زهق مش لاقي ياكل، وقالي أعمل إيه قلتله هتعمل كذا".

تم نسخ الرابط