ست بـ100 راجل.. أم رحيم أشهر مكوجية في الإسماعيلية: "جوزي طلقني وسابلي كوم لحم"

طلقها زوجها ووترك لها مسؤولية أولادها، فقررت تحدي المجتمع والعقبات التي وضعتها الظروف الصعبة في طريقها، "أم رحيم" سيدة تبلغ من العمر 36 عامًا من مدينة الإسماعيلية، اختارت لنفسها أن تعمل مكوجية بعد أن حصلت على المكواة كنفقة لأولادها بعد الطلاق.

تروي "أم رحيم"، تفاصيل عملها في المهنة الشاقة التي لا يعمل بها إلا الرجال، قائلة: "أنا مريضة سكر أصلا وبشتغل من الصبح لحد الساعة 11 بالليل وربنا هو اللي بيقويني".

وتابعت " ام رحيم": "أنا جوزي طلقني وخدت منه المكوة وغسالة صغيرة نفقة عيالي وهو سابهالي عشان ماخدش منه عفش ولا ارفع عليه قواضي، وبعدين علمت ابني الصنعة وبقى بيشتغل معايا عشان مينفعش اجيب راجل غريب يشتغل معايا وحد يتكلم علينا".

وأكملت "أم رحيم": "ربنا بيراضيني وخلاني دخلت الصنعة دي عشان بيحبني ويبعدني عن اي سكة غلط.. أنا قاعدة في أوضة عند والدتي انا وعيالي، نفسي من ربنا اني استر بناتي، وبعدها اعمل عمرة، ويبقى عندي حتة شقة صغيرة نعيش فيها انا وابني عشان لما يتجوز اعيش معاه فيها".