«مبروك يا هشام».. دنيا سمير غانم تدعم أبطال مسلسل «في بيتنا روبوت»

هنأت النجمة دنيا سمير غانم منتجها ومخرج كليباتها الفنان هشام جمال منتج ومخرج وبطل مسلسل «في بيتنا روبوت» عبر صفحتها الخاصة على موقع التواصل الاجتماعي الانستجرام قائلة «ألف مبروك من قلبي يا هشام علىالمسلسل الحلو جدا ده اللي انت مثلت فيه و محدش حس إنك أول مرة تمثل ما شاء الله لإني اتعودت أتفاجأ من مواهبك المتعددة و أنبهر بأفكارك اللي دايما مميزة ما شاء الله من سنة 2011 و ألف مبروك لإنك كمنتج قدمتلنا عمل محترم و كنت حريص إنك تدي فرصة لكل حد حواليك إنه يطلع أحسن ما عنده و تشوف بعينك وجوه جديدة أمتعتنا و حسينا إنهم قريبين مننا و من بيوتنا المصرية و كنت شايف كل حد في دوره مظبوط و لايق عليه.. فخورة بيك جدا جدا و بكل الناس اللي شاركت في المسلسل 👏👏👏💪💪💪💪💪».

وكانت دنيا قد هنأت أسرة المسلسل كلها في بوست سابق قائلة «من أجمل المسلسلات الكوميدي اللي شفتها و فريق عمل كله بلا استثناء شاطرين و مشرفين و مجتهدين بطريقة غير عادية ما شاء الله برشح #في_بيتنا_روبوت لأي حد عايز يتفرج علي عمل كوميدي متكامل مظبوط فيه مجهود بيحترم الجمهور.. برافو بجد 👏❤️❤️❤️».

وكان مسلسل في بيتنا روبوت قد حقق ردود فعل إيجابية للغاية متصدرا البحث على مواقع السوشيال ميديا خلال الفترة القليلة الماضية بسبب نجاح أحداثه الكوميدية خاصة بعد عرض حلقته الـ 19 التي عرضت مؤخرا.

ويعرض مسلسل في بيتنا روبوت على شاشة CBC من السبت إلى الأربعاء، أول عرض لمسلسل في بيتنا روبوت الساعة 8 مساء، وإعادة مسلسل في بيتنا روبوت الساعه 2:30 صباحا، 12 ظهرا، قناة cbc دراما 12 مساء ويعاد مسلسل في بيتنا روبوت الساعه 5 صباحا، ويعرض أيضا مسلسل في بيتنا روبوت (2 ظهرا).