الخميس 17 يونيو 2021
حالا
رئيس التحرير
محمود سعد الدين

كهربا قبل السوبر الإفريقي: مستعد أعمل أي حاجة للأهلي حتى لو هقف جون أو أشيل كور

موقع بصراحة الإخباري

نشرت قناة النادي الأهلي، عبر الموقع الرسمي «يوتيوب»، حديث مطول بين على لطفي، حارس الفريق، ومحمود عبدالمنعم كهربا، لاعب المارد الأحمر، قبل موقعة الفريق الأحمر أمام نهضة بركان المغربي في كأس السوبر الإفريقي

وجاء الحوار كاملا بين على لطفي وكهربا كالتالي:

- علي لطفي: شايف مباراة كأس السوبر إزاي؟

كهربا: ماتش صعب وفريق قوي وواجهته قبل كده وعنده أنياب هجومية وعنيد، وعارف اللعيبة اللي فيه.. ربنا يكرمنا ونحقق السوبر السابع للأهلي.

- علي لطفي: إحساسك إيه في أول سوبر مع الأهلي؟

كهربا: إحساس حلو جدا والواحد مبسوط ونتمنى نعمل كل حاجة في الماتش ده علشان نفرح الجماهير.

- علي لطفي: لو حصلت ظروف في المباراة واطلب منك تقف جون؟

كهربا: أنا مبسوط في الأهلي أوي، هو بيتي لو طلب أي حاجة كهربا هيعملها، جون مدافع مهاجم حتى لو هشيل الكورة، وأهم حاجة ناخد الكاس أي حد يجيب الجون.

وتستضيف العاصمة القطرية الدوحة يوم الجمعة المقبل، في تمام السادسة مساء بتوقيت القاهرة، مباراة من العيار الثقيل بين الأهلي بطل دوري أبطال إفريقيا ونهضة بركان بطل الكونفدرالية الإفريفية، اللذان يتنافسان على كأس السوبر الإفريقي.

Go to top of page