رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

20 تصريح جديد لـ مريم سعيد صالح حول ازمتها مع محمد سامي بعد مسلسل "نسل الأغراب"

مريم سعيد صالح ومحمد سامي
مريم سعيد صالح ومحمد سامي

وضحت الفنانة مريم سعيد صالح، هجومها على المخرج محمد سامي حول اهانته لطاقم العمل أثناء تصوير مسلسل "نسل الأغراب"، مؤكدة انها لم تنوي عمل أزمة أو ضجة ولم يتخطى الأمر تعليق لأحد الأصدقاء على "فيسبوك".

وقالت مريم سعيد صالح فى تصريحات صحفية:" لم أنوي عمل أزمة أو ترند كان تعليق لأحد الأصدقاء بعد إيقاف محمد سامي من قبل الشركة المتحدة وتم تداوله على نطاق واسع حتى خرج الأمر عن سيطرتي لذا كان يجب عليا الرد والتوضيح".

وجاءت تصريحاتها على النحو التالي:"

1-محمد سامي مخرج شاطر وصاحب فضل كبير عليا.

2-الأزمة التى حدثت بيني وبين محمد سامي فى كواليس نسل الأغراب كانت بسبب غلطتي مرتين فى الحوار، الكثير من الممثلين أخطأوا فى النص وعادوا دون حدوث أي مشاكل.

3-قالي "انتي ربنا مش هيكرمك انتي فاشله وهخليكي كومبارس"، بنتي سمعته يشتمنى بألفاظ "خارجة" وقالي أنا كلامي قرأن يتقال زي ماهو"

4-حصلت مشادة بين محمد سامي وابنتي وحاولت تهدأت الأمر بخروجها من اللوكيشن، قولت له " شايفنى فاشله انت اللي اختارتني وانا اشتغلت مع حضرتك قبل كد"

5-لما قولتله هنسحب قالي "تنسحبي ايه اليوم اللى بيتصور معاكي بيتكلف مليون جنية هتنسحبي هدفعك المليون جنية"

6-سكت علشان مش عاوزة أخسر شركة الانتاج ولكنى بعد تصوير المشهد تحدثت مع الانتاج وعبرت عن استيائي، ومش معنى كد إني ست "مهزقة" أنا اخدت الجانب الأفضل فى التعامل بهدوء

7-وأنا داخله أكمل مشاهدي اعتذرلي وقالي يامريومه أنا عليا ضغط كبير

8-بالنسبة لمشهد ضربي بالقلم من مي عمر ده تمثيل ومي محترمة جدا

9-اتفاجئت بأنه لم يعطي مشهد قتل ابني فى الحلقة الأخيرة حقه وكذلك مشهد لقائي بأحلام الجريتلي "حسيت أنه نفذ تهديده لما قال هخليكي كومبارس"

10-صعب عليا شقايا وشغلي اللى متبروزش ودعيت عليه الصبح اتوقف

اقرأ أيضًا:لعنة نسل الأغراب تستمر .. فنانة شاركت بالمسلسل تفتح النار على محمد سامى : شتمنى وبنتى موجودة فى اللوكيشن

11-بنتى مكانش يصح تسمع كلام مش كويس عني

12-لم اشتكي فى النقابة ولم انوي ذلك، والأمر لم يتعدى الكومنت فكان لازم أوضح وإلا أكون ست كذابة

13-ربنا سبحانه وتعالى هو العدل، انت قولتلي ههمشك و انت اللى اتوقفت

14-محمد سامي لم يساومني هو قالى اليوم اللي اشتغلتيه لو انسحبتي هتدفعيه، الرزق والموت سهمان انطلقا منذ مولدك يصيبانك يصيبانك كل بميعاد

15-محمد صاحب فضل عليا ولكن فترة نسل الأغراب كان عنده انحراف فى المود جدا، انا كنت بعتبره زي ابني ومكنتش احب تنتهي الحكاية بنا بإنك تجرحني وادعي عليك، ودور المخرج أنه يؤهل الممثل لدوره بهدوء

16- عدد تصوير أيامي 5 أيام والعدد زاد وصلت ل17 يوم واعترضت وكلمت دكتور اشرف ذكي، دكتور اشرف ذكي جابلي جزء من فلوسي

17-أنا ممكن اشتغل ببلاش مع حد بيحترمني ومش بيهيني، كل النجوم بدأو صغيرين وكبروا مينفعش تقولي هخليكي كومبارس

18-بتمناله التوفيق لكن احنا مش هنشتغل مع بعض تاني اكيد، بتمنى انه يبقى عنده كنترول على نفسه

19-مكنتش هعرف انسحب لاني مش هعرف ادفع حق اليوم

20-لم يتواصل احد معي من ابطال وصناع مسلسل نسل الأغراب، ضايقتني كومنتات الناس على الموضوع

وكانت مريم سعيد قد تحدثتعن طريقة محمد سامي فى التعامل أثناء التصوير ردًا على احدى التعليقات عبر حسابها على موقع التواصل الإجتماعي "فيسبوك"، وقالت فيه:" احنا كنا بنتشتم ونتهزق فى اللوكيشن ونسكت علشان لقمة العيش".

وتابعت فى تعليق أخر:" سكت وكتمت علشان أدفع جامعة ولادي وأتشتمت قدام أكثر من 700 نفر وبنتي سمعت شتيمة أمها بودنها".

تم نسخ الرابط