عبد الحميد جبر مقُدم شخصية الشهيد «أبانوب» في الكتيبة 101: حققت أمنية حياتي بتجسيد شخصية من القوات المسلحة.. والمخرج محمد سلامة صنع «عظمة» بشهادة الجمهور

كشف الممثل الشاب عبد الحميد جبر تفاصيل شخصية الشهيد “أبانوب صابر جاب الله”، في مسلسل “الكتيبة 101”، الذي يؤدي بطولته كلًا من الفنان آسر ياسين وعمرو يوسف، ويُعرض في الماراثون الرمضاني الحالي 2023.

حيث لفت عبد الحميد جبر الأنظار بشخصية الشهيد أبانوب، وحقق نجاحًا كبيرًا بعد اتقانه للشخصية، في مشهد الوفاة، ومحاولاته حتى اللحظة الأخيرة الدفاع عن زملائه.

وحاور موقع “بصراحة” الفنانعبد الحميد جبر ليكشف التفاصيل الكاملة وقال: ترشيحي كان من الكاستنج دايريكتور يوسف هاشم للمخرجمحمد سلامة، وده لم يكن أول عمل ليا معاه أنا اشتغلت معاه قبل كدهفي مسلسل موسى ودي كانت أول مره نشتغل فيها مع بعض واشتغلنا بردوا مع بعض في ستات بيت المعادي، وبعد كده في راجعين يا هوى، وتم ترشيحي السنادي بدور الشهيد أبانوب، في كمين الرفاعي.

أسرة الشهيد أبانوب

وأضاف: حصلت على معلومات عن الشخصية من خلال صفحة على الفيسبوك أصدقاؤه وأهله هما اللي عملينها ليه، ومن خلال المنشورات عليها، وعرفت من خلالها ازاي هما كان بيتعامل في الكمين وقد ايه هو كان محبوب مع صحابة وهو كان في رمضان قبل ما يحصل ضرب في الكمينعرفت أن هو مكنش بيرضى ينزل في رمضان وقت الاجازة بتاعته عشان يبقى مع زمايله وكان بيحب ينزل معاهم في يوم الوقفة حتى في مشهد في المسلسل عاملين فيه التفصيلة دي بيني وبين نور النبوي فبقوله فيها يا فندم أنا ممكن أفضل وأبقى أنزل يوم الوقفة عشان وهو توفى يوم 1/7/2015، وهو كان من الناس المحبوبة في الكمين جدًا ودمه خفيف، وكانوا بيحبوه جدًا.

وواصل: عملت بحث كامل جدًا عن الشخصية وكان معانا ناس في القوات المسلحة من المسلسل كانوا على دراية تامة بكل الداتا، وشوفت الصحافة كتبت عليه، هو فيه شبه بيني وبينه في الملامح بس أنا كنت مربي دقني وقتها، وأبانوب قبلما يستشهد موت 4 من التكفيرين وفضل ماسك سلاحة لحد آخر نفس فيه عشان يدافع عن زملائه.

وأختتم عبد الحميد جبر قائلًا: كان حلم حياتي أن أنا أجسد شخصية من شخصيات القوات المسلحة اللي هما استشهدوا في الدفاع عن الوطن، لما اتحطيت في الموضوع ده وأحنا بنصور عرفت قد ايه هما بيتعبوا بجد، وده كان تصوير تمثيل ما بالك بقى في الحقيقة، في قصص بتحصل كتير جدًا عشان أحنا نعيش والموضوع مكنش سهل خالص عشان نوصل للتفجيرات وشغل الأكشن ده، استاذ محمد سلامة مكنش بينام هو والفريق بتاعه.

أبطال الكتيبة 101

جديرًا بالذكر أن أحداث مسلسل «الكتيبة 101» تدور في إطار درامي حول كيفية نجاح تلك الكتيبة في التصدي للتكفيرين الموجودين في سيناء ويعرض المسلسل بطولات القوات المسلحة في الحفاظ على الوطن من الأعداء، والتضحيات المقدمة من أجل سلامة وأمن الوطن.