الرئيس السيسي: من فضل ربنا عليا بعمل اللي محدش يفكر فيه

وجه الرئيس عبدالفتاح السيسي، رسالة عتاب للأسر المصرية بسبب عدم الاهتمام بتطوير ثقافة الأبناء والطلاب في مجال الرقمنة وتحويل البيانات.

وقال “السيسي”: "اللى عليا بفضل الله سبحانه وتعالى بعمل اللى محدش يفكر فيه..  ولو كنت مشيت على المسار العادي اللى قبل 2018 مكنتش هعمل الكلام الحالى خالص".

وأضاف “السيسي” خلال افتتاح مركز مصر للبيانات والحوسبة الحكومية: "ناس كتير تقول ملوش لازمة انتوا مش عايزين نحلم لبلدنا وتاخد مكان فيه نمو حقيقي".

وتابع: "ربنا شرفني وعزني ودايما بيراضيني بالكلام اللى احنا بنفكر فيه ويساعدني اعمله.. وبقول للمصريين متلومنيش أنا بس، انا برضوا ألومكم معايا".

أكد الرئيس السيسي أنه من الضروري تجهيز بنية أساسية متكاملة للحفاظ على دور مصر كنقطة رئيسية لنقل البيانات في العالم، وذلك خلال افتتاح مركز البيانات والحوسبة السحابية الحكومية.

وقال الرئيس السيسي :" بيقولولنا صرفتوا ده كله عشان إيه .. واحنا كمواطنين هنستفاد إيه .. بنستفاد إننا نجهز بلدنا للإنطلاق الحقيقي في عالم بيتقدم بمنتهى السرعة في كل المجالات".

 افتتاح مركز البيانات والحوسبة السحابية الحكومية

ووصل الرئيس عبدالفتاح السيسي، رئيس الجمهورية، منذ قليل، إلى مقر مركز البيانات والحوسبات السحابية؛ لافتتاحه، حيث تعد مراكز البيانات والحوسبات السحابية هي جوهر التحول الرقمي وأحد أهم الأعمدة التي يرتكز عليها الاقتصاد العالمي حاليًا.

ويقدم موقع "بصراحة"، بثا مباشرا لمشاركة الرئيس عبد الفتاح السيسي في افتتاح مركز البيانات والحوسبة السحابية الحكومية.

ويعد مركز البيانات والحوسبة السحابية (P1) أول مـركز يقدم خدمات (تحليل ومعالجة  البيانات الضخمة - الذكاء الاصطناعي) فى مصـر وشمال أفريقيا طبقاً لأحدث التقنيات العالمية، باشتراك أكثر من (15) شركة محلية / عالمية، وأكثر من (1200) مهندس / عامل، أكثر من (5000) ساعة عمل.

يعمل المركز على تقديم التطبيقات الحرجة والمدفوعات والتطبيقات المرتبطة بالذكاء الاصطناعي وتحليل البيانات الضخمة لصناعة القرار على  كافة المستويات بالإضافة إلى عمله كبديل نشط لمـركز البيانات الحكومية بالعاصمة الإدارية ، كذلك استخدام تكنولوجيا الحوسبة السحابية والذكاء الاصطناعي والبيانات الضخمة فى تحليل البيانات الحكومية، كما يعمل  كمـركز وطنى موحد لبيانات التعافي من الكوارث، و توطين استخدام تكنولوجيا الذكاء الاصطناعي فى القطاع الحكومي، و توفير كافة البيانات الدقيقة والموقوتة للجهات الحكومية.