محمد سامي: محمد رمضان نجم مبالغ في نجوميته

حل المخرج محمد سامي، ضيفا على برنامج  «أسرار»، المذاع عبر فضائية «النهار»، مساء أمس الاثنين، وكشف تفاصيل عن علاقته بالفنان محمد رمضان.

وقال محمد سامي: «رمضان في الوطن العربي كله ميعرفش يمشي في الشارع، نجم مش عادي، نجم مبالغ في نجوميته ونفسه ينجح طول الوقت، وعارف إنه شاطر وجامد لما تتوفر له الإمكانيات والدور المناسب».

محمد سامي: محمد رمضان نجم مبالغ في نجوميته

وتابع:«الفنان محمد رمضان ممثل كبير ومهم جدًا وموهبة مهمة، النجم بحاجة إلى مخرج ومؤلف وصناع حوله يوظفون إمكانياته لتحقيق نجاح كبير».

وأضاف: «رمضان ممثل ونجم صاحب حضور وكاريزما طاغية، لو اشتغل مع أي حد من الناس الشاطرة اللي تقدر النجم معاهم وتقدر تشيل مسئولية، سيحقق نجاحًا بعد توفيق الله».

وأشار إلى أنه حقق أعلى نجاحاته مع محمد رمضان، قائلًا إن مسلسلات؛ الأسطورة والبرنس وجعفر العمدة، التي تعاونا فيها حققت «نجاحًا استثنائيًا مبالغًا فيه».

محمد سامي ومحمد رمضان 

وأكمل: «في كيميا بيننا، إحنا بنفهم بعض بالإشارة على بعد كيلو، أنا أبص لمحمد من آخر البلاتوه يفهم أنا عاوز إيه، وساعات وهو بيصور يعطل ويقف الوقفة ويبص لي أبقى فاهم إيه اللي مش مريحه».

واستنكر مطالب البعض للفنانين بتغيير جلدهم طوال الوقت، مختتمًا: «التعامل مع محمد بحساسية، هو مصنف فتوة الشعبيين، والفنان فريد شوقي صُنف طول عمره كده، يغير جلده ليه؟ ليه عاوزين هنيدي يعمل تراجيدي وأحمد السقا يعمل كوميدي!».